ကျွန်ုပ်တို့ JJA SUPPORT ကုမ္ပဏီကို ၂၀၁၉ ခုနှစ် မေလ (၂၉) ရက်နေ့တွင် စတင်တည်ထောင်ခဲ့ပါသည်။ ကျွန်ုပ်တို့ ကုမ္ပဏီမှ ပြည်ပသို့ ထွက်ခွာရန်လိုအပ်သော လုပ်သားများအား ဘာသာစကား နှင့် လုပ်ငန်းကျွမ်းကျင်မှုဆိုင်ရာ သင်တန်းများကို စာတွေ့လက်တွေ့ ပို့ချပေးသည့် ဝန်ဆောင်မှုကို ဆောင်ရွက်ခဲ့ပါသည်။ 

ကျွန်ုပ်တို့ ကုမ္ပဏီမှ နိုင်ငံရပ်ခြားသို့ လုပ်သားများစေလွှတ်နိုင်ရန် ပြည်ပအလုပ်အကိုင်ရှာဖွေရေး အေဂျင်စီလိုင်စင်ကို ၂၀၂၃ ခုနှစ် ဇန်နဝါရီလ (၃) ရက်နေ့တွင် တရားဝင်ရရှိခဲ့ပြီး ယနေ့တိုင် လုပ်သားများ အလုပ်စတင်လျှောက်ထားသည်မှ ပြည်ပရှိ ကုမ္ပဏီလုပ်ငန်းခွင်များအတွင်းသို့ ဝင်ရောက်သည်အထိ အစဉ်ဂရုတစိုက် ကူညီဆောင်ရွက်ပေးလျက်ရှိပါသည်။ 

လက်ရှိတွင် ယူအေအီး၊ မလေးရှား၊ စင်္ကာပူ ဂျပန်နှင့် နိုင်ငံများမှ လုပ်ငန်းရှင်များ၊ အေးဂျင့်များနှင့်အတူ ပူးပေါင်းဆောင်ရွက်ပေးလျက် ရှိပါသည်။ ပြည်ပသို့ အလုပ်လုပ်ကိုင်လိုသည့် လုပ်သားများလိုအပ်သော ဘာသာစကားစွမ်းရည် နှင့် လုပ်ငန်းကျွမ်းကျင်မှုဆိုင်ရာစွမ်းရည် စသည့် စွမ်းရည်နှစ်မျိုးစလုံး တိုးတက်စေရန် လုပ်ငန်းနှင့်သက်ဆိုင်သော သင်တန်းများပေးနေပြီး သင်တန်းကျောင်းများနှင့်လည်း ပူးပေါင်းဆောင်ရွက်ပေးလျက်ရှိပါသည်။ 

ထို့ကြောင့် ကျွန်ုပ်တို့သည် မြန်မာနိုင်ငံအတွင်းရှိ အလုပ်သမားများနှင့် ပြည်ပနိုင်ငံရှိ အလုပ်ရှင်များအကြား နှစ်ဦးနှစ်ဖက်စလုံး အဆင်ပြေချောမွေ့စွာ ဆက်ဆံလုပ်ကိုင်နိုင်စေရန် နှင့် လုပ်သားများကျွမ်းကျင်မှုရှိစေရန် အစဉ်မပြတ် နွေးထွေးပျူငှာသည့် ဆက်ဆံရေးဖြင့် ဝန်ဆောင်မှုပေးလျက်ရှိပါသည်။

ကျွန်ုပ်တို့အဖွဲ့အစည်းသည် လုပ်ငန်းဆောင်တာအဆင့်ဆင့်အား လုံခြုံစိတ်ချစေရန်၊ အလုပ်ရှင် နှင့် အလုပ်သမား နှစ်ဦးနှစ်ဘက်စလုံး အကျိုးရှိစေရန် ဦးတည်လုပ်ဆောင်ပေးလျက်ရှိပါသည်။